A horta de Verducedo
Na Escola Infantil de Verducedo aproveitan o tempo primaveral para saír a plantar na súa horta: pepino, acelgas, pementos, remolacha, alcachofa, xudías, leitugas, cenorias, tomates, cebolas, cóengos, apios e berenxenas. Moita variedade que vos dará ideas para a vosa horta!
Comederos para paxaros
No colexio Jaime Balmes de Noia tiveron está orixinal idea para dar para comer aos paxaros. Reutilizando caixas de conservas usadas, e cun pouco de alpiste e graxa, conseguiron crear uns comederos estupendos que dan moi bo resultado. Animámosvos a probar!_0.jpg)
Regando no Salgado Torres
Así regan os alumnos do colexio coruñés Salgado Torres, na súa horta separada por bancales para que cada curso poida encargarse de cultivar diferentes alimentos. Os máis pequenos, no patio de infantil, xa teñen os seus caixóns elevados para plantar máis facilmente.
Aproveitando espazos
Así de ben aproveitan os espazos no CEIP Anexo A Lomba de Vilagarcía de Arousa. Un horto vertical cheo de leitugas e fresas que xa están listas para comer.
Unha perigosa Praga na Estrada
Na Escola Infantil Elfos da Estrada sufriron unha praga que se estende por toda a comarca, a da polilla asiática do boj -cydalima perspectalis, no seu nome científico- coñecida como «papabuxos» . Tras pasar o inverno aletargadas, as orugas espertan co bo tempo e aliméntanse vorazmente das follas. Carecen de depredador natural así que vos aconsellamos avisar á vosa concellaría de medioambiente para actuar canto antes.
Os Detectives Verdes de Aralde
Así se chaman as patrullas ecolóxicas da Escola Infantil de Aralde, en Vilagarcía. Coidan das súas tartarugas, peces e paxaros, acaban de plantar unhas estupendas leitugas na súa horta e reciclan e separan os residuos. Son todo un exemplo!
Aproveitando espazos
No CEIP Sequelo-Marín cultivan os seus alimentos nestes estupendos bancales para aproveitar os espazos interiores do centro. Os resultados son inmellorables!
Un horto urbano en Vigo
Así de ben aproveitan unha parcela infrautilizado anexa ao Colexio San Fernando, en Vigo. Unha oportunidade para recuperar un espazo urbano creando unha horta para aprender a cultivar.
Voz Natura en el Colegio Salesianos
Os máis pequenos do Colexio María Auxiliadora (Salesianos) de Ourense traballan no horto do centro e celebran o seu compromiso ambiental da man de Voz Natura.
Cociñando en Magaláns
Os alumnos do CEIP Magaláns - Dorrón, en Sanxenxo, aprenden a cociñar os alimentos que plantan no invernadoiro do centro. As verduras saben mellor se as plantas ti mesmo!
Dúas "alumnas" especiais
As marxes do CEIP San Salvador mantéñense limpos e rozados grazas ás dúas cabras do colexio, dúas "alumnas" moi especiais e moi queridas polos alumnos.
Avelaíña e CEIP da Cruz, unidos.
En colaboración co CEIP da Cruz, Rexeneración Forestal do Val Miñor e a Comunidade de Montes de Camos, a Asociación Avelaíña creou un viveiro forestal de árbores autóctonas desde o inicio: procura de sementes no Parque Forestal de Saiáns en Vigo, xerminación no centro de Avelaíña cos seus coidados correspondentes e finalmente, plantación en Camos, nun monte facilitado pola Comunidade. Aquí vémolos cos alumnos do CEIP dá Cruz gozando do día.
A horta de Fene
Na horta da Escola Infantil de Barallobre, en Fene, plantan non só nos seus bancales se non tamén no seu horto vertical feito con materiais reciclados, por exemplo, botellas de plástico. Agora toca esperar a que crezan as leitugas e as fresas!
Plantación en San Roque
Así plantan os máis pequenos da Escola Infantil de San Roque en Viveiro, todo un exemplo a seguir!Coidemos dos nosos montes
Os traballos de concienciación e sensibilización do alumnado son unha parte moi importante da educación ambiental. Aquí podemos ver un mural do CEIP Rebordáns, acompañado de varios debuxos sobre a necesidade de protexer os nosos bosques dos incendios forestais e coidar o noso patrimonio natural.
A raíña do horto
No CEIP dá Cruz- Budiño a raíña do horto é a alcachofa. Unha planta pouco común nos hortos escolares pero que vos animamos a que plantedes no voso invernadoiro. É toda unha sorpresa para os alumnos!
Un día moi especial
Tras os tráxicos incendios de Chandebrito hai xa dous anos, os escolares do Colexio Estudio celebraron unha xornada moi especial plantando 559 árbores. Entre elas, algunhas das especies foron fresnos, carballos, bidueiros, cerdeiras, castiñeiros e nogueiras.
A horta do Barrionovo
Recomendámosvos seguir o blog da Escola Infantil Barrionovo, do que poderedes sacar moitas ideas e seguir a traxectoria dos máis pequenos de Arteixo. Aquí vémolos cultivando nos seus novos bancales!
Reforestación en Cedeira
Desde o Centro APADER de Cedeira plantaron un castiñeiro por cada alumno nesta pequena parcela anexa ao centro. Antes de está reforestación, elimináronse os eucaliptos que ocupaban a zona.
Refuxios de insectos
Así de ben o pasan os alumnos do sete centros participantes no proxecto da Asociación Sustinea. O seu corredor verde de insectos xa conta con estes biorrefuxios na capital ourensá.
Un macetero diferente
No Centro Aspadisol de Oleiros crearon este macetero tan orixinal para facilitar a plantación, neste caso das fresas, dalgúns dos seus usuarios.
Entroido en Trabada
No CEIP Celso Currás de Trabada celebraron o Entroido con disfraces relacionados co seu horto escolar. Abellas, flores, espantallos, pementos, cenorias... Encheron de vida e cor o centro!
Voz Natura na aula
No CEIP de Cervo crearon esta posto Voz Natura para sensibilizar aos alumnos, seguir os avances do proxecto e recompilar toda a información necesaria para o seu desenvolvemento. Unha gran idea que recomendamos a todos os participantes.
Aproveitando o bo tempo
O CEIP San Cosme de Barreiros aproveitou o bo tempo para pór a punto o seu horto e o seu fantástico invernadoiro feito con botellas de plástico recicladas. Ademais están a preparar un cercado con pallets reciclados para delimitar os bancales.
Salvemos os océanos
No CEIP Juan Rey de Lourenzá xa traballan a temática de Voz Natura do próximo curso. Con este mural pretenden concienciar sobre a problemática dos plásticos dun só uso, os residuos vertidos ao mar, os microplásticos e a perda de biodiversidade.
Patrullas ecolóxicas
Os alumnos do CEIP de Sigüeiro encárganse de manter o centro limpo e coidado, de reciclar e separar os residuos e de aforrar enerxía coas súas Horta Patrullas, coas que tamén preparan os sementeiros para trasladar ao horto. Achégase a Primavera!
Plantando leitugas en Monforte
Os alumnos da Fundación Educativa Monforte de Lemos xa teñen as súas leitugas listas para colleitar e comer, directamente desde o seu invernadoiro.
O paso do río Arnoia
O CEIP Padre Crespo de Xunqueira de Ambía está a levar a cabo unha ambiciosa iniciativa para recuperar o paso do río Arnoia, polo cal cruzaban peregrinos do Camiño de Santiago e veciños do pobo.
Congreso Científico da Montaña
Alumnos dos catro CPI das montañas do Courel e Ancares: Cervantes, Pedrafita, Navia e Courel compartiron os seus proxectos científicos. O alumnado do CPI Poeta Uxío Novoneyra buscou fósiles no Courel co fin de xeorreferencialos (situalos nun mapa coas súas coordenadas) e engadir información a través de realidade aumentada.
O inverno na horta
Así de ben luce a horta do CEIP Albino Núñez en Ourense, coa verdura de temporada lista para comer no colexio.
Biorefuxios no Carballiño
No IES Nº1 do Carballiño están a preparar estes marabillosos biorefuxios feitos con materiais recolleitos da natureza. Pronto os colocarán nas árbores do pequeno parque botánico do centro para comprobar se paxaros e morcegos aniñan neles.
Un futuro sen plástico
No CPR Cervantes de Lugo xa traballan para reducir o uso de plásticos dentro da súa comunidade escolar. Desde Voz Natura animamos a todos os participantes a que se unan a este tipo de iniciativas a través de pequenos xestos como utilizar recipientes reutilizables, reciclar nas aulas ou evitar os plásticos dun só uso.
Serra do Courel
Atravesada polo río Lor, a serra do Courel é unha cordilleira montañosa de gran riqueza natural e paisaxística. Un enclave que debemos protexer, coidar e preservar para manter a nosa biodiversidade.
Patrullas verdes
No CEIP de San Clodio, na provincia de Lugo, contan cunha patrulla verde encargada de cumprir tarefas ambientais tan importantes como reciclar, aforrar enerxía ou separar os residuos.
A sobreira de Balboa
Esta sobreira, situada en Arnois (A Estrada, Pontevedra) ten aproximadamente cincocentos anos. Unha árbore que forma parte da nosa historia e merece a pena coñecer.
Reforestando Rianxo
Os alumnos do CEIP Ana María Diéguez, de Rianxo, xa preparan a reforestación con especies autóctonas cerca do Lugar A Marquesa. Incluso teñen o seu propio viveiro de árbores no centro.
Unhas árbores moi especiais
Así de creativos e orixinais son os participantes en Voz Natura, aproveitando para reciclar até na árbore de Nadal. Algúns dos exemplos que nos atopamos son estes: unha árbore feita con CD reciclados no CEIP Alfondo D. Rodríguez Castelao de Rianxo, outra feita con botellas de plástico de cores no CEIP de Cespón de Boiro e por último, unha árbore colgante no CEIP Santa María do Castro, tamén en Boiro.
Achégase o Nadal!
Achégase o Nadal e desde o Colexio Divina Pastora do Barco de Valdeorras, en Ourense, móstrannos a súa sensibilidade ambiental. Colocaron carteis para aforrar enerxía e auga, os alumnos da ESO explican aos de Primaria a importancia de depositar as pilas nos lugares adecuados para non contaminar e, finalmente, todos participaron neste Belén con materiais reciclados (cortizas, chapas, rolos de papel hixiénico)!
Plantando en Velle
No Centro de Educación Especial Miño, en Ourense, preparan o terreo para plantar. As actividades no horto gózanas especialmente, aprenden moito e serven para traballar contidos e competencias do día a día. Animamos a todos os participantes a que inicien a súa propia horta!
Concurso de cabazas
Na Escola Infantil de Arteixo, os máis pequenos participan no concurso de Cabazas coas súas familias. Mirade que creatividade!
Exposición sobre o Outono
Moitos centros como a Escola Infantil Carricanta da Coruña aproveitan para facer participes ás familias neste tipo de exposicións, sempre cheas de cor e creatividade para aprender e gozar da natureza a través do Outono.
Ideas en Aralde
Na Escola Infantil de Aralde - Sobrán, en Vilagarcía de Arousa, sempre nos reciben desde a estrada con este marabilloso mural de Voz Natura. Dentro do colexio podemos atopar un horto ecolóxico co seu compostador, unha charca con peces e tartarugas e unha fantástica paxareira entre outras moitas cousas. Sen dúbida, aos máis pequenos de Aralde non lle faltan ideas e compromiso ambiental.
As familias axudan en San Clodio
Encántanos ver como as familias participan e involúcranse, neste caso, na creación dun novo invernadoiro para os alumnos do CEIP de San Clodio, en Lugo.
Regando en Barallobre
Os pequenos da Escola Infantil de Barallobre, en Ferrol, aprenden a regar. Sempre é un alegría ver o moito que gozan!
Incubando en Dena
Os alumnos do CEIP de Coirón-Dena, en Pontevedra, contan coa axuda das familias para manter a temperatura e humidade óptimas na súa incubadora. Xa están a desexar que nazan os seus poliños!
Reciclaxe... e algo máis
No CEIP Enrique Barreiro Piñeiro ensinan aos seus alumnos a separar e reciclar os seus residuos, un hábito ambiental moi necesario ao que non sempre lle damos a importancia que merece. Doutra banda, fixádevos no seu mural do Samaín, que horta tan terrorífica e orixinal!
Unha horta diferente
No Centro de Inserción Social da Lama (Institucións Penais) traballan pola integración dos seus usuarios a través de actividades de plantación de aromáticas e medicinais en xardineiras e macetas e estes fantásticos bancales que aproveitan para os produtos da horta.
Un lugar moi especial
De estas vistas disfrutan os alumnos do CEIP Eduardo Pondal, en Vigo, que este ano comezan a súa andadura en Voz Natura con moita ilusión. Todo un privilexio!
Plantando por unha boa causa
Na Asociación Alborada de Vigo recollemos uns pementos coñecidos como sombreiro de bispo, unha variedade cunha curiosa forma. Ademais mostráronnos os produtos que están a crear para axudar ao seu colectivo, un grupo desfavorecido da sociedade que tenta abrirse camiño. Todo un exemplo!Obradoiro de esponxas naturais
Non vos perdades o obradoiro de esponxas naturais que fixeron os alumnos do CEIP de Laredo, en Vigo. Foi todo un éxito!
Ecoriz, o robot ecolóxico
No CPI de Mondariz contan coa axuda dun robot moi especial. Da man de Ecoriz os alumnos do colexio pontevedrés aprenden bos hábitos e prácticas ambientais. Podes seguir os seus consellos a través do seu blogue, non cho perdas!.
A horta dos sentidos
No CEIP As Solanas - Nicolás Gutiérrez Campo de A Guarda, en Pontevedra, crearon esta marabillosa horta dos sentidos para que os seus alumnos disfruten e aprendan a través do gusto, o olfato e o tacto.
Recollida de pluviais
No CEIP N°2 de Tui, en Pontevedra, tiveron unha marabillosa idea para aproveitar as augas pluviais. Cun depósito conectado á baixante do edificio recollen auga da chuvia para regar a súa horta.
Un bosque no colexio
Os alumnos do CPR Jorge Juan de Xuvia, en Ferrol, crearon esta marabillosa ambientación dentro do colexio para acoller o seu proxecto Voz Natura deste curso. Non deixedes de seguir as actividades dun centro que, co seu traballo multidisciplinar é toda unha referencia en creatividade e orixinalidade.
Primeira saída en Narón
Os nenos e as nenas da Escola Infantil Fany foron á horta exterior, alí regaron as leitugas, plantaron unhas pequenas coles e recolleron as mazás da maceira. O pasaron en grande!
Refraneiro popular
Así recibe aos seus alumnos o CEIP A Solaina de Ferrol, con sabedoría popular. Unha idea fantástica que pon en valor as tradicións da nosa terra sobre a natureza e o medioambiente.
Un agasallo moi especial
No CEE Aspanaes de San Pedro de Leixa, en Ferrol, os alumnos e alumnas fixéronlles un agasallo moi especial de benvida ás súas familias. Empezar o curso con pementos e tomates plantados por eles para que vexan o froito do seu traballo e o moito que aprenden no centro.
Unha produción espectacular
Así son os invernadoiros do EFAG Fonteboa, en Coristanco. Unha produción digna de ver! Ademais, durante este curso, analizarán a auga do pequeno regato que pasa por diante do centro e seguirán co seu excelente traballo en apicultura.
Aproveitando o espazo
No CPR Belén de Ferrol saben aproveitar ben o espazo do que dispoñen. A través destes fantásticos bancales de madeira con rodas conseguiron crear un horto urbano. O resultado foi inmellorable!
Un ano da traxedia
Cúmprese un ano dos tráxicos incendios forestais que arrasaron Galicia. Así estaba Chandebrito, un día despois. Debemos loitar para que isto non volva ocorrer xamais.
Bancales para todos
No CEIP de Covas, na localidade lucense de Viveiro, están a construír bancales separados no seu xardín para que cada clase encárguese dun. Unha idea estupenda para que todo o colexio participe.
O Fuciño do Porco
"O Fuciño do Porco", coñecido con este nome pola forma coa que se presenta o seu perfil ante os mariñeiros da zona que o avistan desde o mar, é unha xoia da xeografía galega situada no Vicedo, Lugo, que vos animamos a coñecer e a coidar.
Un xardín de aromáticas
Con este fantástico xardín de aromáticas aprenden os máis pequenos no CEIP de Monterroso, Lugo, grazas á contorna natural e aos espazos que gozan no centro, o ano pasado tamén comezaron a plantar un bosque autóctono de castiñeiros. Toda unha experiencia!
Zume novo en Voz Natura
Encántanos contar con novos participantes en Voz Natura. O CDR O Viso de Lodoselo, en Ourense, ten experiencia á hora de preservar e coidar a súa contorna rural. Así nolo demostra coa creación do Humidal Antonio Villarino, un exemplo que marca o camiño dos seus proxectos vindeiros.
Horto urbano con reciclaxe
Os alumnos do CPR Divina Pastora de O Barco, en Ourense, comezan as súas plantacións nestes fantásticos recipientes reciclados a partir de botellas de plástico. Aquí podémolos ver plantando escarola.
A incubadora de Xinzo
Por esta gran incubadora corrían os poliños recentemente nacidos no CEIP Rosalía de Castro de Xinzo da Limia, en Ourense. Até os profesores adoptaron algún para as súas casas!
A ruta do Seminario
Os alumnos do Seminario Diocesano Menor de Ourense crearon unha ruta a través do bosque que rodea ao centro. Despois de erradicar as mimosas que alí creceran tentarán manter os camiños limpos e as árbores sinalizadas ao longo de toda o espazo.
Un invernadoiro en Allariz
No CEIP Padre Feijóo de Allariz, en Ourense, estrean este fantástico invernadoiro no que tanto os alumnos de infantil como os de primaria poderán plantar na súa volta despois de moitos anos sen participar en Voz Natura. Encántanos contar con eles de volta!
Traballando na horta
Os alumnos do Seminario Diocesano de Lugo traballan na súa horta solidaria, cuxos produtos irán destinados ás persoas máis desfavorecidas. Unha produción espectacular que se une aos ovos das galiñas do centro, até oito diarios!
Conciencia medioambiental
O CEIP Antonio Fernández López de Oural, en Lugo, leva participando en Voz Natura moitos anos coa clara idea de concienciar e sensibilizar aos seus alumnos sobre diferentes problemas ambientais, aportando boas prácticas como aforrar enerxía, limpar espazos degradados ou a importancia de cultivar alimentos ecolóxicos. Ademais, son uns artistas!
As plantas aromáticas
No CEIP de Samos, en Lugo, coñecen ben a utilidade de plantar aromáticas no seu xardín. Ourego, tomiño, salvia ou romeu entre moitas outras, ofrecen a posibilidade de crear saquiños de aromas para estimular os sentidos dos máis pequenos.
A horta do CEIP de San Clodio
No CEIP de San Clodio, en Lugo, saen a recoller estas marabillosas cabazas e cabaciños de tamaño espectacular. Este curso, coa axuda das familias, intentará construír un invernadoiro que facilite as súas plantacións durante todo o ano.
Recollendo a colleita
Os alumnos do CEIP Xosé Manuel Folla Respino, de Vilamartín de Valdeorras, regresan ao horto cunha grata sorpresa e un importante traballo que realizar: recoller a colleita de tomates, cebolas e pementos que creceron durante o verán. Así dá gusto volver a clase!