Miles de personas despiden o curso 2018-2019
Voz Natura despediu a súa 21.ª edición cunha gran festa ambiental no parque de Acea de Ama, o sábado 2 de xuño. Unha xornada festiva con numerosas actividades nas que puido participar todo o mundo de forma gratuíta.
A festa comezou ás 11.00 e prolongouse ata as 19.30 horas. Durante todo o día, os nenos participaron en xogos tradicionais e de aventura; saltaron nos 20 inchables que se instalaron nunha pista de herba artificial; participaron en competicións deportivas ou puideron dar un paseo en pónei, entre outras moitas propostas detalladas no programa de actividades dispoñible nesta mesma páxina.
Na festa tivo especial protagonismo a protección do patrimonio etnográfico, tema central do curso que inspirou moitos dos 350 proxectos ambientais desenvolvidos polos centros participantes na 21.ª edición. Todos eles, mostráronse na exposición que se montou na festa, onde tamén se entregaron os premios aos traballos máis destacados deste curso.
O programa Prensa-Escuela tamén participou na festa organizando talleres de comunicación e entregando os premios do seu concurso Mellor Xornalista Infantil e Xuvenil.
