Horto urbano
Estes bancales elevados son unha solución moi boa para todos os centros que desexan ter un horto urbano pero carecen do terreo necesario para crealo. O CEIP Raquel Camacho da Coruña é un exemplo magnífico de aproveitamento de espazos. A idea sempre é vivenciar estas actividades adaptándose ás circunstancias e o contexto do propio colexio e atopar a solución adecuada. Mesas de cultivo, bancales elevados, sementeiros na aula, pequenos invernadoiros, etc. son algunhas das maneiras de gozar e aprender das plantacións.
Unha tomatera para cada casa
Os alumnos e alumnas de 4 anos do CEIP Amaro Refojo de Verín leváronse unha tomatera a casa despois de transplantarla no centro. Unha boa maneira de continuar os seus coidados máis aló das paredes da aula, implicando ás familias e creando unha continuidade na aprendizaxe.
Os peregrinos
Estes son os estupendos peregrinos do CEIP Filomena Dato da Valenzá no seu traballo de coñecemento do Camiño de Santiago. Este ano gozamos dos proxectos máis creativos e orixinais, sorteando todas as barreiras que nos impuxo o coronavirus, e levando a cabo actividades na aula, na contorna do centro e até en pequenos tramos do Camiño por parte dos nosos centros participantes. Estamos moi orgullosos do voso traballo!
Árbores para a escola
Os máis pequenos da Escola Infantil de Laracha plantaron un carballo, unha maceira e un aguacate no centro. Agora toca coidalos para que crezan sans!
Plantando froiteiras
Os alumnos e alumnas de 5º de Primaria do CEIP de Olveira plantan froiteiras durante a clase de Ciencias Naturais co seu titor. Sempre vos recomendamos este tipo de árbores para os centros escolares, xa que o seu tamaño é ideal, dan froito e en moitas ocasións as súas flores adoitan ser un bonito espectáculo durante a época primaveral..jpeg)
Unidos, máis e mellor
Dous proxectos unidos, dous participantes de Voz Natura colaborando para aprender coa horta como ferramenta. A Asociación Amicos achégase ao CEIP dá Barouta para ensinar aos seus alumnos e alumnas a plantar e manter coidado este espazo tan prezado do centro escolar. Parabén a ambos por esta fantástica iniciativa!
A natureza nunha botella
Na Escola Infantil de Fontiñas, en Santiago, vivencian a natureza na aula a través destas botellas cheas de paus, ramas, sementes e froitos, dándolle unha nova vida ao recipiente de plástico. Cando se trata de experimentar xa coñecedes a nosa máxima, prohibido non tocar!
Limpando a praia
Grazas a esta marabillosa iniciativa do alumnado do CEIP Fondo Nois, a praia da Fame está máis limpa e a súa comunidade máis concienciada. Este é o exemplo que nos dan e que nos fai sentir orgullosos de compartir este camiño xuntos. Así dá gusto!
Traballando coas familias
Sempre é importante destacar o traballo e a colaboración das familias en todas as actividades ambientais dos seus fillos e fillas. E grazas á Escola Infantil Raíña Lupa de Boqueixón comprobamos que esa implicación está máis viva que nunca. O Castro de Gastrar, a ponte romana e árbores como o castiñeiro ou o acivro son algúns dos temas sobre os que investigaron e aprenderon.
Proxecto Arte Chatarra
Así denominaron esta exposición no EFA Fonteboa de Coristanco. Un proxecto que ten obras realmente interesantes que demostran que con moita creatividade, a reutilización pode darlle unha segunda vida a calquera elemento co que traballemos.
Entrevista con Marcos (I)
Para coñecer unha visión máis persoal de como se vive Voz Natura en primeira persoa, charlamos con Marcos, alumno do CPR Seminario Menor de Ourense sobre o seu proxecto de creación dun minigolf con elementos naturais no centro, e da importancia que teñen as actividades ambientais para el: "para min é bastante importante porque é unha cousa que me gusta moito, apréndense moitas cousas novas e tamén axudamos ao bosque recollendo cousas que están mal como papeis, plásticos etc. Desde que entrei no seminario en 1ºESO sempre facemos este tipo de actividades con Don Amadeo en Bioloxía e con Don Álvaro en Tecnoloxía."
Antes de explicarnos con detalle o seu minigolf, manda unha mensaxe de ánimo aos seus compañeiros e compañeiras nesta aventura porque "calquera actividade ambiental gústame, tanto se é limpar o bosque como plantar unha árbore , gústame igual" e remata: "ademais de aprender sempre pasas bos momentos cos compañeiros e aínda que ao principio pareza difícil cando chegas ao resultado final séntesche moi orgulloso."
Nada como escoitar a mozos como Marcos para entender que o futuro está en boas mans.
Unha entrevista con Marcos (II)
Así nos relatou Marcos o seu proxecto de minigolf: "No espazo que nos deron empecei a tomar medidas do campo de minigolf para saber como era de grande, unha vez tomadas as medidas, collín un sacho e fixen unhas liñas que servirían para perimetrar o meu campo. Limpei toda a zona que estaba chea de herbas, follas de árbores e moitas suciedades. Cando terminei estiven na miña casa facendo unha serie de bosquexos de como ía ser o meu campo e decidínme por un bosquexo que estaba baseado nunha pista de bicicletas de montaña .No monte atopei un cilindro de madeira cun buraco dentro e puxen no campo; cando estaban todos os peraltes feitos e o túnel posto puxen un punto de saque feito coa parte superior dunha botella e un foxo feito coa parte inferior, ocorréuseme pór dúas tuberías finas duns dous centímetros cada unha de plástico e unha malla verde para delimitar onde é fora e onde é dentro." Traballo terminado!
Xornadas sobre Cambio Climático
O CPR Salesianos de Ourense aproveitou a celebración do Día da Terra para facernos participes das súas Xornadas Conciencia. Esta vez a través dunha mesa redonda na que interviñeron Eduardo González Clavijo, Marisela Des Villanueva e Manuel Souto Herrero para falarnos do cambio climático desde diferentes perspectivas, sendo Alejandro Díaz, membro e portavoz do Comité Científico de Voz Natura, moderador do encontro. Estamos moi agradecidos pola invitación!
Reutilizando bricks
Na entrada do CEP de Baño-Xanza vímonos sorprendidos por esta casa feita con bricks de leite reutilizados. Encántanos!
Comparando plantacións
No CEIP Santa Irene de Porto do Son demóstrannos con dúas fotos a diferenza entre plantar no exterior e plantar nun invernadoiro. E iso que no invernadoiro plantouse máis tarde!
Aproveitar cada espazo
No CEIP A Laxe - Valón de Ferrol saben aproveitar todos os espazos do centro, plantando no seu invernadoiro de botellas recicladas, unha iniciativa que vimos multiplicada este ano en moitos dos nosos participantes, e tamén nestes xardíns verticais feitos con pallets.
Unha boa noticia
En febreiro de 2020 o Comité Científico Voz Natura denunciaba unha vez máis este vertedoiro incontrolado situado en San Pedro de Leixa, Ferrol. Alégranos comprobar que tras anos reclamando unha actuación para deter este atentado ambiental, o acceso foi cortado e o lixo foi retirado. Un paso máis na recuperación dun espazo moi deteriorado e en definitiva, unha boa noticia.
Reforestando en Moaña
Os montes de Moaña teñen uns marabillosos protectores, os alumnos e alumnas da Escola Infantil de Verducedo reforestan, limpan e coidan o bosque.
Construcións naturais
María, a coordinadora do proxecto cóntanos esta idea tan orixinal: "nas distintas escolas do CRA de Valga, estamos facendo reformas nos patios, intentado poñer en marcha un proceso de naturalización dos mesmos, apostando pola necesidade do xogo libre con material natural de calidade. Neste intento por mellorar os espazos de lecer, buscamos a creación de novos espazos de xogo no exterior das escolas, construíndo unhas esculturas con vimbio vivo, tipo cabanas, iglús ou pasadizos; por medio da aplicación das técnicas de cestería de entrecruzado en rombo. A idea é crear un elemento de xogo para o alumnado, que a súa vez, sexa unha instalación viva, que floreza segundo a estación do ano na que se atope. Faise con vimbio vivo, para que nos permita ver as distintas fases polas que pasa o vimbio ao longo do tempo: a aparición dos primeiros abrochos para logo irlle pouco a pouco crecendo as follas, novas pólas, flores e máis tarde, no outono, a perda das follas e de novo a vara espida."
Reforestando en Salvaterra
No CRA A Lagoa de Salvaterra do Miño encheron todas as súas aulas de árbores! Encántanos ver magnolios, naranjos, maceiras e tamén azaleas e ciclámenes nos seus xardíns, pero o que máis nos gusta é constatar o moito que gozan e aprenden con estas actividades.
As familias tamén participan
Así o demostran no CEIP de Marcón en Pontevedra, que nos sorprendeu pola implicación das familias nas actividades ambientais. Ademais de coñecer e limpar tramos do Camiño de Santiago cos seus fillos e fillas tamén envían presentacións e fotografías á aula virtual das súas camiñadas. Unha das nais creou este Ecopelegrín, que reciben todos os alumnos e alumnas por completar a actividade. E que vos parece esta composición para unha fotomontaxe de peregrino? Todo creatividade!
Chegan as flores
Coa chegada da Primavera tamén veñen as flores aos xardíns de todos os centros Voz Natura, como no CEIP de Rebordáns de Tui!
Un invernadoiro de botellas
Aquí podemos ver aos mozos e mozas de Ciencias Aplicadas de 4º de ESO do IES Poeta Díaz Castro de Guitiriz en plena construción do seu invernadoiro. A estrutura de ferro foi montada e soldada polo alumnado do ciclo de FP básica de Fabricación Mecánica.
Debuxando con pigmentos
O CPR Montesol de Vigo está envorcado no seu proxecto do Camiño de Santiago e ensínanos unha idea moi orixinal. Os alumnos e alumnas do centro pintaron estes estupendos debuxos da flora do Camiño con pigmentos naturais a partir de espinacas e remolacha entre moitos outros.
Un vixiante ambiental
Na Escola Infantil Elfos da Estrada teñen un novo compañeiro. Chámase Dumy e encargarase de axudar aos máis pequenos nas súas tarefas ecolóxicas: falarlles da reciclaxe, contar contos sobre a natureza ou lembrarlles días sinalados do noso calendario ambiental.
Aprender experimentando
Na Escola Infantil Vila Laura de Vigo saben ben o que é vivenciar a natureza tanto dentro como fose da aula: plantando amorodos e allos na súa horta e construíndo casas para as miñocas.
Construindo cabañas
Marta, a coordinadora do CRA Mestre Manuel Garcés de Tomiño explícanos esta fantástica actividade de construción de cabanas: "primeiro elaboramos maquetas con medula de vimbios e logo fixemos as cabanas a escala maior nos patios dalgunhas escolas. Os vimbios están empezando a brotar, de maneira que recubrirá a estrutura construída dando lugar a un novo espazo de xogo para o alumnado e que, ao mesmo tempo, intégrase na estética dos patios".Limpando a praia
Encántanos ver aos alumnos e alumnas do CPR Sagrado Corazón Placeres limpando a praia de residuos demostrando un grandísimo compromiso ambiental!
Deixando pegada
Os alumnos e alumnas do CEIP Espiñeira-Aldán realizaron unha saída didáctica pola contorna do río Orxás e o Bosque Encantado para recoller lixo e aprender a recoñecer diferentes tipos de árbores, plantas, aves e mesmo formacións de praias fluviais na canle do río. Ademais, deixaron a súa pegada no camiño de maneira ecolóxica, concienciando aos visitantes con mensaxes pirogravados en madeira. Estes carteis naturais descomporanse algún día sen facer dano á natureza. Encantounos esta idea!
Un entusiasmo contaxioso
Isto é o que nos transmiten desde o CEIP A Doblada de Vigo. Todas as clases participan nas plantacións: fresas, cebolas, acelgas... calquera espazo é aproveitado, incluso utilizando botellas de plástico recicladas. Protexen as súas árbores, entre eles un cedro centenario, e até plantan novas especies como o liquidámbar!
Unha horta no corazón de Vigo
Sempre agradecemos moito os esforzos que fan os centros urbanos para buscar espazos nos que crear os seus proxectos ambientais. No CPR San Fernando han transformando unha pequena parcela de Vigo nun horto, demostrando que calquera lugar é bo para converter aos máis pequenos en protagonistas a través de diversas actividades: sementeiros, compost, plantacións e mesmo reciclando neumáticos vellos en xardineiras. Un lugar que toma vida grazas ao seu traballo!
¡A limpar!
Mentres os máis pequenos do CEIP Fondo-Nois plantan bulbos, os maiores preparan o invernadoiro para plantar. Fai falta moito traballo de limpeza, pero nada co que non poidan uns alumnos motivados como estes, así nolo fai saber Ana, a coordinadora do proxecto.
Os peregrinos de Covas
Os alumnos e alumnas do CEIP de Covas de Viveiro aprenden a coser os seus traxes de peregrinos do Camiño de Santiago. En cada vez máis centros observamos esta corrente e encántanos. Non só trátase de crear, tamén de recuperar, arranxar e reciclar todo tipo de materiais, consumir menos e aproveitar máis todo o que temos. Uns peregrinos estupendos!
Achégase a primavera
Todos os centros saen a plantar nos seus hortos ecolóxicos aproveitando o bo tempo. O CEIP de Seixalbo é un deles. Os ourensáns saben aproveitar os espazos no interior do centro, e tamén fóra! Xa teñen planeadas saídas de limpeza da contorna e algunha reforestación.
Unha clase diferente
No CPR O Pelouro de Caldelas de Tui plantan, aprenden e gozan ao aire libre, neste marabilloso horto con forma de mandala. Non se nos ocorre mellor aula que a natureza!
Gamificando a horta
Os máis pequenos do CEIP Amaro Refojo de Verín aprenden gozando da man da profe Uxía e así nolo demostran. Cando cumpren as tarefas no horto gáñanse o adhesivo relacionado co traballo que realizaron. "A primeira é o adhesivo do invernadoiro porque baixaron a preparar a terra e a sementar.", cóntanos Patricia, unha das coordinadoras do proxecto. A través de Supervermiño, o seu compañeiro de aventuras, aprenden as propiedades das verduras tan estupendas que plantan no seu horto.
Sementeiros no invernadoiro
No IES Cidade de Antioquia de Xinzo de Limia xa están a crear os seus sementeiros. A coordinadora do proxecto, Susana, cóntanolo: "como o noso horto vai ser ecolóxico, estivemos a preparar abono de fibra de coco e humus de lombriga. Logo plantamos sementes de acelgas, cabazas, caléndula... e deixámolos no invernadoiro para que vaian crecendo."
Coidando a biodiversidade
Cando un entra no IES Nº1 do Carballiño, impresiona escoitar o canto dos paxaros. Neste pequeno xardín botánico, cheo de especies arbóreas que se plantaron cos anos, habita unha marabillosa diversidade de especies. Caixas niño, hoteis de insectos e biorefuxios con elementos naturais de todo tipo coroan as copas das árbores e atópanse no chan. Todo un exemplo!
De Allariz a Santiago
Un camiño virtual! Esta é a marabillosa idea que tiveron no centro allaricense CEIP Padre Feijóo para chegar a Santiago, á súa maneira. Todos participan e fan os quilómetros que marca cada etapa mentres ven as imaxes do Camiño no proxector.
Plantando en Burela
Aquí vemos aos alumnos e alumnas da Escola de Educación Infantil de Burela plantando cabazas e experimentando coas herbas aromáticas. Aprender gozando a través dos sentidos!
Carballeira de Santa María
O CEIP Curros Enríquez é un centro emblemático de Voz Natura que leva máis de vinte anos acompañándonos nesta aventura. Podemos dicir que a carballeira de Santa María é o legado máis importante que nos deixan a todos os visitantes deste marabilloso espazo recuperado, que gozan e coidan todas as xeracións que pasan polo colexio de Celanova.
Un recuncho especial
Así está a quedar este bonito espazo no centro CEIP Juan Rey de Lourenzá. Unha iniciativa que tamén é o legado da coordinadora do proxecto durante moitos anos, Inés, que ideou xunto aos seus alumnos este xardín con hotel de insectos para que todos poidan gozalo. Encántannos os recunchos que xa son patrimonio dos centros. Esta é a pegada de Voz Natura!
Concurso de fotografía
Os alumnos e alumnas do IES Monte Castelo de Burela celebraron un certame fotográfico de temática ambiental. Parécenos unha iniciativa estupenda, interdisciplinar e orixinal, que fomenta a creatividade unida ao coidado da natureza. Unha acción de concienciación ambiental moi a ter en conta.
Un patio cheo de vida
O CEIP de Celeiro encheu de vida a súa contorna ao longo dos anos. Os proxectos con vocación de continuidade acaban transformando o centro de maneira notable e este é un gran exemplo diso. Bancales cultivados, invernadoiro, unha parra de kiwis, xardíns diversos e unha estupendo charca. Unha aula máis no colexio, unha aula de natureza.
Unha árbore distinta
Este é a particular árbore que se atopan os alumnos e alumnas do CEIP Santa Rita de Galdo cando entran no colexio. Todas estas caixas niño para paxaros e as bolsas de tea reutilizables colgan del, demostrando que até no interior do recinto evócase ao coidado e coñecemento da natureza. O ambiente importa! Encántannos os colexios cheos de vida.
Celebrando a Candeloria en Valga
María, a coordinadora do CRA de Valga cóntanos en que consiste esta celebración: "Este martes 2 de febreiro, tocou celebrar no seis escolas do CRA de Valga a festa da Candeloria, día que coincide coa metade do inverno, momento no que crecen os días e a natureza comeza a preparar o estoupido de vida que se achega.
Tamén se coñece este día como a "voda dos paxariños", (a partir da Candeloria, ningunha ave voa soa), comeza o retorno das aves migratorias e os cortexos, que nos traerán na primavera unha chea de novas crías.
Para esta celebración se visionaron vídeos, contamos contos e fixemos paxaros de diversas maneiras, entre elas de papiroflexia. Tamén nalgunha das escolas colgáronse casas para paxaros e comederos, para que as aves migratorias que retornan repoñan forzas."
Calendario de plantación
No CEIP Palas de Rei crearon este marabilloso calendario de plantación "para que cada tutoría poida traballar na aula as verduras desde varios puntos de vista". Encántanos!
Seguimos adiante
A Escola Infantil Dalila segue adiante co seu proxecto traballando na aula, adaptándose ás circunstancias pero sen perder a ilusión. Aquí mostrámosvos dous das súas últimas actividades: decorar as cunchas para a súa indumentaria oficial de peregrino e ensinarlles a limpar o río que se atoparían ao seu paso polo Camiño. E ademais aprenden a reciclar!Unha incubadora moi orixinal
Os alumnos do CPR Seminario Diocesano de Lugo explícannos como crearon esta fantástica incubadora con material reciclado. Non perdades detalle, é impresionante!
Sementando en Palas de Rei
Aquí podedes seguir a evolución do invernadoiro do CEIP Palas de Rei, no que xa crecen leitugas, allos, pericos e tirabeques. Animámosvos a compartir os vosos proxectos a través das ferramentas dixitais, é unha maneira estupenda de aprender e coñecer novas experiencias.Os máis pequenos de Tui
No EEI de Tui crean compost a lado da súa horta escolar desde as idades máis temperás, unha maneira de coñecer o ciclo completo polo que pasan os alimentos. Esta materia orgánica servirá máis adiante para axudar a crecer novas plantas no centro.
Limpar, reciclar e compostar
Son só algunhas das actividades do CEIP Rosalía de Castro de Padrón durante este curso e que manteñen ao longo dos anos. É fundamental inculcar bos hábitos ambientais desde as primeiras etapas da educación.
Unha plantación diferente
En Aspadisol de Oleiros teñen un sistema innovador e moi orixinal para plantar as súas fresas. Todo un exemplo de reutilización!
Achégase o Nadal
A reciclaxe, sempre tan presente no Nadal dos nosos colexios, é un exemplo para pasar unhas festas sustentables. Na EEI de Conxo ensínannos a súa creatividade á hora de decorar o centro. Son uns artistas!
Un proxecto multidisciplinar e integrador
Os alumnos do CPR Sagrado Corazón de Placeres en Pontevedra recollen mazás, limóns e as follas secas, eliminan malas herbas, plantan nabicoles, repolos e allos e até colocan carteis para identificar as froiteiras. Un ano para aprender a valorar e gozar os espazos naturais a través de proxectos tan bonitos como este: multidisciplinar, integrador e sobre todo, con altísimo valor educativo.
Os máis pequenos ao invernadoiro
Así de ben plantan no EEI Concepción Crespo Rivas de Pontevedra!. Sempre destacamos o labor dos centros de educación infantil, participativos e en moitos casos pioneiros de grandes proxectos ambientais. Sen dúbida, imprescindibles en Voz Natura.As familias tamén participan
As familias do CEIP Amor Ruibal de Barro mostran iniciativa á hora de participar e liderar proxectos. Así foi o caso coa recuperación e reforma destes espazos do centro escolar. Uns xardíns estupendos que agora terán que aprender a coidar e respectar os seus fillos e fillas. Un gran exemplo!
Patrimonio de todas
Aproveitando o Día Internacional contra a Violencia de Xénero, os escolares do CRA Nosa Señora do Faro de Ponteceso fixeron unha preciosa homenaxe ás mulleres traballadoras. Ataviados coas roupas típicas da época dirixíronse ao lavadoiro, patrimonio etnográfico da comunidade e elemento arquitectónico repetido ao longo e ancho de Galicia, para aprender un pouco máis sobre a nosa historia. Como sempre dicimos, coñecer é protexer, e protexer é querer aquilo que nos rodea.
Unha experiencia única
En Voz Natura cremos firmemente no necesario que é plantar árbores, non só polo ben do Planeta senón tamén para todos e cada un dos nosos alumnos participantes no programa. Desde o comezo desta aventura, cada día máis centros súmanse a este tipo de iniciativas que naturalizan os espazos do centro, tamén os hortos! Outro fantástico exemplo que está a ser aproveitado, neste caso, polo IES David Buján de Cambre.As xardineiras do CEIP Campanario
No CEIP de Campanario en Porto do Son divídense o traballo para plantar nas súas xardineiras. Todos participan e gozan da actividade, agora queda coidar as plantas para que crezan!
De ruta xeolóxica
Os alumnos do IES Porto do Son encargaranse este ano de realizar as rutas xeolóxicas de Fonforrón-Arnela para estudar a súa xeomorfoloxía: chans fosilizados, filóns graníticos ou furnas serán algúns dos elementos que investigarán para o seu traballo.
Coto da Gaiteira
O CEIP Ramón de Valenzuela leva anos loitando por recuperar un espazo cheo de eucaliptos e acacias e convertelo nun lugar que toda a comunidade poida gozar, especialmente o alumnado e os mestres e mestras deste colexio de Bandeira, que tanto protexen e melloran o coto.
A horta escolar
No CEIP de Laredo en Redondela plantan no seu horto escolar. Este curso tan diferente, podemos observar que a maioría de participantes optan por aproveitar os recursos dos que dispoñen dentro do propio centro, e que mellor que gozar e aprender ao aire libre cunha ferramenta tan estupenda como son os hortos. É tempo de plantar a verdura de inverno!
Aprendendo a reciclar
Os máis pequenos do CPR San Fernando de Vigo aprenden a reciclar e separar os residuos. Un bo hábito que é necesario incorporar desde a idade máis temperás.A illa do Abelendo
No CEIP Abelendo de Moaña reciclan e conciencian aos seus alumnos da problemática dos plásticos nos océanos. Unha maneira moi visual e impactante de lembrarlles o necesario camiño á redución e eliminación destes residuos.
Patios inclusivos
Moitos nos preguntastes por esta corrente que apunta a cambiar por completo as dinámicas dos patios. Encántanos atopar centros como o CEIP de Castrelo en Cambados, que aproveitou as circunstancias actuais para darlle un impulso á relación que teñen os seus alumnos coa natureza e o xogo durante o seu tempo libre fóra da aula. Utilizando materiais reciclados, pero sobre todo todo aquilo que nos podemos atopar na natureza, crearon un espazo diverso, lúdico e que fomenta valores ambientais moi positivos.
Os peregrinos de Dalila
A Escola Infantil Integral Dalila traballa este ano ao redor do seu bonito proxecto "O camiño das estrelas". Cada día observan o tempo, a estación na que se atopan e o día no que están no seu calendario e prepáranse para o camiño. Tamén cos seus chapeus de peregrino!
A incubadora do Coirón-Dena
Botádelle unha ollada ao obradoiro de incubación de ovos de galiña na aula do CEIP Coirón-Dena. Moi interesante!
Desplastifícate
No CPR Eduardo Pondal de Cangas tómanse moi en serio o labor colectivo de reciclar, e na medida do posible, erradicar os plásticos no centro. É fundamental atopar alternativas sustentables e servir de punto de referencia para toda a comunidade educativa nesta transición, pero o máis importante é reducir o noso consumo!
Unha boa causa
Os nenos e nenas da Escola Infantil de Barallobre plantan por unha boa causa. Así nolo explica Diana, coordinadora do proxecto e directora do centro: "Neste mes, plantamos leitugas, perexil,brécol, repolos... Plantaremos nuns días un peral e máis adiante,
amorodos, tomates, cenorias... Como todos os anos, todo o recolectado o
doamos á cociña económica de Ferrol. Por mor da pandemia, este ano, non
podemos facer a visita á propia cociña in situ cos nenos e nenas mais
cando o alumnado recolecte os produtos a donar, sí que planificaremos
unha pequeña entrega co persoal da Cociña económica na escola."
Trabajando e aprendiendo no Saladino Cortizo
Neste centro de educación especial de Vigo plantan nos seus bancais, limpan e coidan dos seus xardíns, alimentan ás súas galiñas e até teñen tempo de gozar da agradable compañía dos cabalos. Todo un exemplo de actividades para respirar ao aire libre, gozar da súa contorna e adquirir destrezas e bos hábitos ambientais.O río Oitaven
Así baixa o río Oitaven o seu paso por Aranza. ¡Todo un espectáculo!Un amigo inesperado
Nas nosas viaxes ás veces atopámonos con amigos inesperados. Este precioso exemplar de ourizo tiña problemas para volver ao campo e escapar dos perigos da estrada, así que lle axudamos a volver san e salvo onde pertence.
Contra o cambio climático
O CEIP de Reboreda en Redondela centrará o seu proxecto no cambio climático e as terribles consecuencias que trae consigo. Investigar para coñecer os problemas aos que nos enfrontamos, concienciar aos seus alumnos, promover bos hábitos e actitudes positivas para o medioambiente é o obxectivo.
Crear novos recursos
O CPR San Miguel II de Vigo móstranos outro exemplo máis de creación de recursos educativos no propio centro con este estupendo espazo ambiental. Xardíns verticais, hortas sobre mesas de cultivo, macetas ou bancales de varios pisos son algúns dos exemplos máis utilizados cando non dispós de terreo.
Horta escolar urbana
No CEIP A Doblada de Vigo saben aproveitar os espazos como ninguén. A súa estupenda horta escolar nunha contorna urbana así o demostra, marcando o camiño a outros centros que queren gozar deste marabilloso recurso e necesitan ideas. Animámosvos a compartilas para crecer xuntos!
Plantando no Vila Laura
Os alumnos da Escola Infantil Vila Laura en Vigo demostran que se pode seguir usando o horto escolar como ferramenta educativa ao aire libre, nos seus grupos burbulla e con todas as medidas de seguridade necesarias. Un exemplo necesario nestes tempos que nos alegra moito ver.
Recollendo cabazas
No Centro de Educación Infantil San José de Borreiros recolleron estas estupendas cabazas. O outono cada vez faise notar máis!
Stop plásticos
O CEIP de Rebordáns quere acabar cos plásticos, e que mellor maneira que substituír as contaminantes e innecesarias bolsas deste material por unhas bolsas de tea reutilizables. Unha iniciativa á que cada vez máis centros súmanse e que nos parece imprescindible.
Un Samaín terrorífico
Así preparan as súas cabazas de Samaín no CEIP As Solanas - Nicolás Gutiérrez Campo da Guarda. Son as vosas tan orixinais e terroríficas? Alégranos comprobar que o ánimo non decae e as nosas festividades seguen presentes nestes tempos tan duros.
Recuperando espazos
O IES de Adormideras da Coruña é un exemplo de actuación ambiental consciente e activa, recuperando un espazo do centro para axardinalo e dotalo dos elementos necesarios para que o propio alumnado góceos. Agora toca coidalo cada día, e melloralo!
O blog de Barrionovo
Hoxe recomendámosvos este marabilloso blog da Escola de Educación Infantil Barrionovo de Arteixo. A través das distintas etapas do seu particular Camiño de Santiago poderedes ver un proxecto orixinal, colaborativo e que fomentan a curiosidade, o afán de investigación e aprendizaxe dunha maneira didáctica e divertida e o respecto cara á natureza e o noso patrimonio. Tamén podedes seguir as súas aventuras no horto... e moito máis! Non deixedes de seguirlles!
Denunciando vertedoiros incontrolados
Aspanaes Ferrol leva anos denunciando este vertedoiro situado en San Pedro de Leixa, unha iniciativa á que nos sumamos desde Voz Natura. A pesar do noso escaso éxito non podemos deixar de sinalar este tipo de problemáticas ambientais. Hai que acabar con estes puntos negros e promover actitudes e valores que fomenten o coidado e respecto pola natureza.
Preparando o invernadoiro
Os alumnos do CEIP A Laxe - Valón de Ferrol preparan o seu invernadoiro de botellas de plástico recicladas para as plantacións de inverno.
Unha charca no Camiño
Por diante das portas do CEIP Mestre Rodríguez Xixirei en Lavacolla pasan moitos peregrinos. Só fai falta mirar cara aos xardíns do centro para apreciar o esforzo que fan os seus alumnos para coidar do medioambiente. Esta charca é un bo exemplo de iso! Non só é un estupendo recurso educativo, tamén é unha pequena biocenosis chea de vida animal e vexetal.
O arco da vella
Hoxe acompáñanos este fantástico espectáculo da natureza. Que importante é aprender a observar!
Sabiduría popular
Os alumnos do CEIP do Camiño Inglés en Sigüeiro móstrannos unha maneira estupenda e orixinal de coñecer a nosa cultura a través da sabedoría cos nosos refráns populares. Tomade nota!
O ciclo da horta
No CEIP Celso Currás de Trabada aproveitan as follas das árbores e outros restos orgánicos para o seu compostero. Cando estea listo poderán abonar o seu horto, mentres tanto xa comezaron cos sementeiros dentro da aula.
Acercarse á micoloxía
Comeza a tempada de cogomelos e nos bosques xa podemos atoparnos exemplares como esta Amanita Muscaria, o cogomelo máis representado e reconocible socialmente. Cada vez máis centros anímanse a realizar exposicións e saídas micolóxicas co fin de ensinar aos seus alumnos a coñecer e apreciar este mundo tan complexo e bonito. Coidado con esta amanita, é tóxica!
Unha especie invasora
Ao longo de toda a xeografía galega podemos atoparnos esta planta invasora, o Carpobrotus Edulis ou Uña de gato, estendida como un manto pola costa. Neste caso ameaza ao Castro de Fazouro, na Mariña lucense, situado ao bordo destes ancantilados. É importante coñecer algunhas das especies invasoras máis reconocibles de Galicia e loitar para erradicalas.Ciencia, tecnoloxía e reciclaxe
Así nos explica Miguel Leiva, o coordinador do CPR Seminario Diocesano de Lugo, como funciona esta máquina para lavar as mans feita con materiais caseiros. Moi apropiada para os tempos que vivimos e que pode ser útil para moitas persoas.
Ferramentas educativas na rede
Animámosvos a reflectir as vosas actividades ambientais na rede para compartir ideas tan estupendas como as que vos atoparedes no blog do CPR Salesianos de Ourense, un referente de Voz Natura!
A horta do Monte Baliño
Os alumnos do CEIP Monte Baliño de Ferreira de Pantón plantan leitugas neste orixinal horto de pallets reciclados e prepáranse para recoller as fresas e os kiwis da súa parra. As actividades no horto escolar son unha alternativa estupenda para saír ao aire libre e aproveitar os recursos educativos que nos proporciona cultivar no centro.
Patos no CEIP Albino Núñez
Este colexio ourensán ensina aos seus alumnos a respectar e coidar dos animais mediante a acción directa. Como mellor apréndese! Os patos, animais que habitualmente podemos ver nos ríos Lonia, Barbaña e Miño, conviven cos máis pequenos e paséanse polos terreos do centro.
Un invernadoiro de botellas de plástico
O invernadoiro de botellas de plástico recicladas do CEIP Amaro Refojo de Verín xa está listo para comezar o curso. Cada ano máis centros súmanse a esta iniciativa e pregúntannos por esta curiosa forma de reciclar as botellas usadas e cultivar nun espazo protexido, aproveitando así os meses máis chuviosos e fríos para levar a cabo actividades cos alumnos.
Recollendo patacas
Os alumnos do CEIP Ramón Otero Pedrayo do Barco de Valdeorras recolleron a súa plantación de patacas coa axuda de Marcelino, o conserxe do centro. Os proxectos sempre melloran e crecen coa colaboración de todos os axentes implicados na comunidade educativa.
Actuando no centro escolar
No CRA Amencer de Ribadavia comezan as tarefas de principio de curso: recollen terra para os sementeiros que coidarán na aula e seguen enchendo a compostera con materia orgánica.
Recuperando o paso do río Arnoia
Xornada moi especial cos alumnos do CEIP Padre Crespo de Xunqueira de Ambía, cuxos esforzos durante os últimos 5 anos para recuperar o paso do río polo Camiño Real a Santiago de Compostela deron os seus froitos. Os maiores axudaron aos pequenos a cruzar o paso e todos limparon as marxes do Arnoia. O etnógrafo Elixio Rivas asistiu, aos seus 95 anos, a esta fantástica celebración.
Unha charca como espazo educativo
Cada vez máis participantes anímanse a crear espazos como esta pequena biocenosis coa súa flora e fauna particular. Son un recurso educativo estupendo e ademais dan vida ao centro. No CPR Vila do Arenteiro do Carballiño hai moitos anos que comezaron con esta iniciativa, animámosvos a que vos unades a ela!