Pola mañá o tempo non acompañou demasiado pero os incondicionais de Voz Natura mantivéronse ao pé do canón. Xa pola tarde, abríronse claros no parque de Acea de Ama (Cullerdo - A Coruña) e os miles de persoas que participaban na gran festa fin de curso do noso programa puideron gozar ao máximo de todas as actividades. Un ano máis, e xa van 17, con ou sen choiva, a festa do 7 de xuño foi todo un éxito.
Os chuvascos ocasionais da mañá obrigaron a trasladar a entrega de premios Voz Natura e Prensa-Escuela ao auditorio do instituto Cruceiro Balear e do Centro Residencial Docente, anexo ao parque. Alí foron tamén numerosas persoas seguindo aos Bolechas e ao Xabarín da TVG que actuaron antes e despois do acto de entrega onde se deron citas numerosas autoridades.
Inchables, talleres, carrusel, competicións deportivas... Os máis pequenos da casa (e os non tan pequenos) pasárono en grande durante toda a xornada. A exposición dos traballos realizados durante o curso foi un fervedoiro de xente e a mellor mostra de como os escolares galegos saben coidar o medioambiente.
